放工返屋企

最啱就睇《爱回家之开心速递》啦

佢哋吵吵闹闹嘅日常

真係好容易引发大家共鸣噶

喺前几日嘅《爱回家》中

除咗名孤寒又慳家嘅“根叔”

就希望全部屋企人同佢一样

拥有“守护银包”嘅力量

所以偷晒屋企人嘅银包去“作法”

最终大家知道咗佢嘅诡计

用“魔法”打败“魔法”

先避免咗一场悲剧

喺呢场闹剧中

“熊家”全员“受难”

连两位“女婿”

“龚烨”&“潮伟”都不能幸免

唯一冇被波及嘅

就係以“租客”身份

入住熊家嘅 “素素”啦

虽然“根叔”成日话

将“素素”当成自己半粒女

但係外人始终係外人

租客永远係租客～～

～Well～

讲起孤寒慳家

沙发旧咗唔换、

特价纸巾就买多啲

可以用嘅旧物坚持用

其实换个角度谂

都係环保唔浪费嘅美德嚟嘅

▓▓▓▓▓▓▓▓▓░░░░努力加载中……

每年嘅中秋节

大家都难免有食剩嘅月饼

月饼係高糖高热量嘅食品

但大家又谂住唔好浪费

想方设法消耗佢

醒目网友各出奇招

变住花样嚟消耗月饼

有啲招式鬼马得嚟仲几实用

月饼嘅豆沙、莲蓉馅

斋食就好易腻

以前食面包兴夹牛油、

搽花生酱

依家就可以改用莲蓉啦

依家可以切两片莲蓉月饼

夹喺面包中间

微波炉稍微叮叮

竟然有咗拉丝效果

中意食西点嘅朋友

就将中式月饼放入

华夫饼机里面压制

将月饼改造成

脆边软心嘅“中式华夫饼”

微微焦嘅饼皮好香脆

中和咗馅料嘅甜腻

食完一个都唔会觉得好漏

传统派嘅招式都唔执输

用双黄莲蓉月饼嚟煲粥

莲蓉遇热融化

蛋黄煮开就起沙

两者同绵软白米粥融合后

味道咸甜交融

口感又绵又沙嘅

月饼用嚟调味、粥水又解腻

你仲可以加啲其他创意配料

爱食粥嘅人包容度都比较大呢

如果你平时好中意食饼干

咁就学下可乐君呢个做法：

将月饼提前放速冻格

雪到佢够硬净先

硬身月饼更容易切片噶

将月饼切成饼干厚薄嘅片状

平铺係烤盘上

睇起身就好似

调配过嘅饼胚咁诱人

放入烤箱

上下火180度烤15分钟

唔需要另外嘅油分

靠咸蛋黄自身嘅油份

就已经足够

叮～

啱出炉嘅月饼片仲係软身嘅

摊冻之后佢就变成酥脆嘅饼干啦

微微咸、中心有啲啲烟韧

食落有啲似鸡仔饼嘅口感

烤成“饼干”嘅月饼

虽然口感唔油腻

但始终係高糖饼底

大家千祈唔好食太多啊

食嘅时候可以配上热茶

咁就更清新解油腻啦

不要浪费

人人有责😘

唔知你仲有冇特别又鬼马嘅

月饼消耗办法咧

讲出来同大家分享下啦！

资料来源：微博、剧照、小红书等

网络信息综合整理

月饼变饼干图片：郭   玮

编辑：郭   玮

一审：曾敏妍

二审：董华海

三审：骆   苹