近排TVB迎来“复出潮”

多次尝试复出嘅

“宅男女神”岑丽香

近排都频频接Job啦

生B后佢靠做KOL带货赚钱

听讲收入都已经唔错

近期仍然频频接其他Job

去做商场做路演又拍广告咁

次次都俾人问：

几时复出拍戏？

嗰时佢就透露

已经过咗老公嗰关

可见佢自己

都迫不及待谂复出啦

近日佢参与广告拍摄

接受采访时又露口风

话自己有睇紧剧本啦

佢上一次拍戏

已经係两年前同“马明”合作嘅

电视剧《宝宝大过天》

之后就专心凑B啦

呢次“香香公主”终于

将两个BB都送翻学

佢直言自己都

好想出下门、好想去翻工

佢早前讲过

要凑B又要做嘢

时间上好闷水

但呢次就改口话

自己借凑B学好咗点做时间管理

依家陪完BB度过

佢哋最得意嘅时光

香香就更加恨去翻工啦

//////

岑丽香就係靠甜美外表

被捧上一线嘅

佢一直都keep自己嘅靓靓状态

就算生完两胎

身材都冇话好大变化

平时keep住瘦身应对工作

冇谂到之前一病

成个人自然又瘦咗

冇咗“婴儿肥”、眼睛又变大

连个样都比以前精致唔少

仲被人质疑佢“换面”啵

不过岑丽香就话

平时送咗仔仔翻学

就有时间运动、护肤

所以先keep得咁好

从出道到依家

都保持住一份少女感

个人嘅日常穿搭都非常养眼噶

唔怪得网友话

睇到佢就觉得心花怒放

虽然岑丽香自己好想拍剧

但网友对佢嘅演技就有啲争议

有人吐槽佢生B之前嘅演技

仲留言话

“求佢好好做网红、凑B啦”

其实“香香公主”

都演绎咗唔少经典角色嘅

一个甜甜嘅笑容

就赚足观众缘

好似《On call 36小时2》

里面嘅车晓彤

《溏心风暴3》嘅Belle

《巴不得妈妈》嘅香乃馨

当年佢喺事业发展大好时

转身回归家庭

依家生得sweet嘅小花又好多

佢隐退咁耐想再出翻出来拍戏

确实冇咁容易

可以演嘅角色都会唔一样

Anyway~

香香可唔可以喺影视圈

再攞翻一席之地

仲係未知之数

你又期唔期待佢嘅复出呢？

来源：可乐生活Color微信公众号

编辑：张子殷

审核：曾敏妍

签发：骆苹