名宿桑治同足協主席伊圖奧以座上客督軍，睇嚟喀麥隆都唔敢怠慢。「非洲雄獅」放棄控球嘅戰術踢法收到唔錯嘅效果，球隊更務實，四場賽事取得三勝一和。相反大打傳控嘅南非，數據往往完勝對手，唯獨賽果就凸顯出防守端唔少以及入球轉化率嘅問題。今仗佢哋面對喀麥隆都係較為主導嘅一方，但係應對喀麥隆嘅彈擊，更多依靠超技術動作來牽制，尾段追分心切嘅科士打試圖以過激行為阻止球證吹罰更加惹來該隊喺賽事中嘅第五張黃牌。喀麥隆嘅耐心以及埋門質素都唔錯，中場小組進攻配合亦都好流暢，組織核心巴利達（Carlos Baleba）獲選全場最佳都係理所當然。頂替奧蘭拿出任本屆賽事主力龍門，效力布加勒斯特戴拿模嘅32歲球員伊柏斯（Devis Epassy）把關都幾穩陣。萬眾期待，傷愈復出嘅隊長艾舒拉夫終於喺淘汰賽階段為摩洛哥披甲上陣。佢喺右路嘅上落、出波、策劃、防守以及死球處理，都明顯令球隊得益唔少。而巴謙戴亞斯嘅入波，亦正係來自佢嘅助攻。後者攻入本屆賽事第4個入波，繼續位列射手榜第一嘅位置，賽後亦獲大會評選為POM。摩洛哥今仗面對坦桑尼亞嘅埋身逼搶同硬朗嘅防守動作，踢得唔係咁舒服。尤其係對手個別都幾大嘅防守動作，甚至可以直接出示紅牌驅逐。來緊嘅八強賽事，主辦國摩洛哥將會迎戰喀麥隆，真正嘅考驗相信對兩隊都係接踵而至。非洲國家盃1/8決賽賽事賽果-塞內加爾🇸🇳3-1 🇸🇩蘇丹馬里🇲🇱1-1（pk：3-2）🇹🇳突尼西亞摩洛哥🇲🇦1-0 🇹🇿坦桑尼亞南非🇿🇦1-2 🇨🇲喀麥隆🌍⚽️🏆🇲🇦🇲🇱🇸🇳🇨🇲
