最近媒体探班《非份之罪》

咁啱就係何沛珈

同我哋个friend刘佩玥嘅对手戏

剧情讲到两人

因为倾唔埋数而大打出手

咪睇佢两个都係

外表娇滴滴嘅甜妹

喐起手十足警匪动作片噶

飞脚踢、趴地拖行等等

样样姿势出衡力、做到位

剧组都好肉紧

帮佢哋穿好晒护具

确保大家嘅安全

▓▓▓▓▓▓▓▓▓▓▓░░░░努力加载中……

喺最近几部热播剧中

何沛珈都有客串演出

虽然镜头不多

但因为样靓身材正

唔少观众都关注到佢

之前佢演出嘅角色

大多数都係懵懵哋嘅护士

或者有委屈唔敢出声嘅受害者

嚟到今次嘅《非份之罪》

佢唔单止戏份大增

仲变身“恶女”同刘佩玥恶斗

而平时做过好多“打女”嘅

阿Moon就话

公司就係睇中佢捱得

所以经常安排呢类角色俾佢

好似之前嘅《隐形战队》

佢就同刘颖镟一起被“绑架”

受到“非人对待”

喺《逆天奇案》里面

生前命运悲惨

结局si得凄凉

乐观又敬业嘅阿Moon

有好好把握呢啲机会

演技得到大家肯定

喺前年，佢凭《美丽战场》

喜提“马来西亚最受欢迎女主角”奖

旧年亦因为《隐形战队》

入围“最佳女主角”最后五强

有机会同佘诗曼争“视后”

新一年

阿Moon又投入新剧

用行动证明自己好捱得

//////////

其实喺早前一个采访中

阿Moon就自曝

今年TVB颁奖典礼期间

佢突然失声

完全讲唔到嘢

因为查过类似案例

佢就担心突发失声

会影响自己声线

演唔到戏又唱唔到歌

因此断送演艺生涯

佢自言踏入龙年

身体大小毛病不断

生病期间真係好无助

被验身报告啲指数吓一跳

佢意识到係身体发出警报

而身体健康关系到

佢是否能有更好的事业发展

所以下定决心要养好身体

特别见到依家嘅

佘诗曼、李施嬅等前辈

依然状态fit爆

阿Moon更加扚起心肝

养好身体keep住状态

希望自己未来

都可以好似佢哋咁靓咁精彩

//////////

做艺人肯捱肯搏确实係好事

但一定一定要注意安全

照顾好自己嘅身体

咁先可以喺大家面前

展现自己最perfect嘅样子

来源：可乐生活Color微信公众号

编辑：张子殷

审核：曾敏妍

签发：骆苹