前日，TVB举行

“TVB同行创新节目巡礼2025”

一大班花旦小生

着到靓一靓咁出席啦

手揸4套剧嘅陈晓华Hera

“人逢喜事精神爽”

着住件橙色交叉压褶礼裙

心情靓爆

采访时Hera拒答

关于“绯闻男友”朱敏瀚嘅问题

笑住话自己

依家“工作为上”

大家都好耐冇见嘅

蔡思贝Sisley

一身烈焰红裙

出现喺大家眼前

but久违嘅蔡小姐

似乎都有小小变化

人中部分出现黑印

喺侧面睇个鼻头

似乎高咗唔少喔

喺红裙衬托下

手臂出现分层、眼神疲惫

成个人有啲攰咁

Sisley解释

自己啱啱拍完旅游节目

因为当地太阳太猛

成个人晒到黑晒兼甩皮

所以人“缩水”后

面部轮廓睇起身明显

Sisley仲预告话

自己将会喺节目中

爆喊&吐露心底话

除此之外

好耐冇拍剧嘅佢

大合照时仲稳企C位

并宣布自己喺嚟紧年尾

会入组开新剧啦

而同场嘅“最索人妻”

陈自瑶yoyo

着吊带花黑裙出场

显得比较低调

最近正值活动促销时段

直播做到风生水起

佢真係忙到飞起

被问到有冇睇

老公王浩信最近在播嘅

大热剧《黑色月光》

yoyo都即时落闸

话自己好忙唔得闲睇喔

一直被传“婚变”嘅佢哋

近年同框少之又少

经常分开出show做嘢

王浩信最近仲签埋新公司

yoyo都希望对方

有多啲时间陪下囡囡

but就讲到明

唔使对方陪自己

因为都习惯晒

对方工作忙碌

同屋企人相处时间少

同时，

yoyo赞12岁嘅囡囡非常独立

自己结束工作亦会第一时间

返去陪佢嘅

//////

巡礼活动现场

公布咗未来

备受期待嘅剧集同综艺

包括有

《金式森林》《死有对症》

《香港探秘地图》《新闻女王2》

《刑侦12》《巨塔之后》等

15部剧待播剧

剧集集齐

卧底、商战、刑侦、

探秘等各种题材

（《金式森林》剧照）

（《香港探秘地图》剧照）

（《刑侦12》剧照）

而高ling同马国明主演嘅

《夫妻的博弈》

就係拍热门韩剧

《请和我的老公结婚》嘅

係被睇好嘅热播剧之一

~呐~

睇返演员们嘅“资源”

除咗现场赢晒嘅“剧后”Hera

陈炜都有3套剧在手

而男演员方面

马国明同马贯东

都同样係3部剧在手嘎

Anyway~

咁多好戏准备开波

唔知大家最期待边一部咧？

资料来源：微博、剧照、小红书等网络信息综合整理

编辑：饶    禧

一审：曾敏妍

二审：董华海

三审：骆   苹