近期有好多影视卡通IP
喺广东举行主题展
阿童木、HelloKitty
铠甲勇士、蝙蝠侠
都係大家从细细个就中意嘅
广州嘅潮人们都话：
“童年回忆”翻嗮来啦！
上个月
《铠甲勇士》15周年巡展
嚟到广州珠江新城
展出咗“铠甲勇士”嘅道具、画稿等
上周末
“皮褛猛男”蝙蝠侠
闪现“小蛮腰”下嘅广场
原来今年蝙蝠侠85岁啦
吸引咗唔少粉丝去打卡
如果你错过咗呢两个展
咁就睇睇其他“小伙伴”嘅主题展先啦
//////
正喺广州K11举办嘅
阿童木主题艺术展览
细个时最爱嘅
“铁臂型男”阿童木
话要同你“一飞冲天”
中庭嘅巨码红靴
挨住摆pose时尚感翻倍
得意嘅红靴飞梯
上落楼都好似穿越时空
等我哋以各种各样嘅形式
打卡阿童木嘅红靴
一齐回到童年啦
门口嘅红靴最出圈
只需要开广角仰拍
就可以喺“三件套”下
着上红靴一飞冲天
//////
近日，深圳天河城
挂满粉嘟嘟蝴蝶结
变成超sweet嘅粉色海洋
原来係少女心爆棚嘅
Hello Kitty来啦
门口见到4米嘅巨型Kitty
整好小蛋糕等紧你
中庭嘅“茶歇派对”
仲有草莓蛋糕等超大甜品
可以揾Kitty叹下午茶
草莓蛋糕布景里面
原来係一个秘密空间
来呢度影相好活力
旁边快闪店仲可以
把kitty带回家
出门后记得抬头望
仲有个5米高嘅Kitty
远远咁同你讲“想见你”
//////
唐老鸭90周年展
都好似明星艺人咁赶场
啱啱嚟完广州场
依家又去咗深圳后海啦
户外广场有4.5米高嘅唐老鸭
门口有复古老爷车去兜风
2楼嘅“泳池派对”够热闹
复古跳舞机齐齐热舞
游泳池最啱凹造型
成个商场都摆满唐老鸭
想揾佢哋影相
认准1楼嘅合影墙
同2楼嘅照相馆
get唐老鸭复古大头贴
//////
“童年男神”蜡笔小新
都喺深圳搞快闪活动
大家可以来把呢个
臭屁嘅细蚊仔带翻屋企啦
呢度嘅周边好丰富
可以见到狗仔小白、
动感超人等经典角色
大家仲可以get
同“男神”嘅同框大头贴
商场内可以打卡
还原度满分嘅“蜡笔小新”
露pp、大象鼻等唔同look都有
更机会偶遇“真人版”蜡笔小新
呢啲主题展
都会展到国庆假期后嘅
大家放假嘅时候就可以
一边边叹冷气
一边同“童年时嘅玩伴”
date一date啦！
资料来源：广州K11、深圳天河城、南山益田假日广场购物中心等公号网络信息综合整理
部分图片：黄译萱
编辑：黄译萱
一审：曾敏妍
二审：董华海
三审：骆 苹
