2024湾区升明月

大湾区电影音乐晚会

喺9月22日晚热热闹闹咁直播啦

62个节目嘅演出单

表演阵容包括

海峡两岸暨港澳地区

电影人、音乐人

和奥运健儿代表

携手国际知名音乐人

大家都觉得呢场大show

同“春晚”阵容有得挥

▓▓▓▓▓▓▓▓▓▓▓░░░░努力加载中……

今年导演组真系放开手脚

为咗唔影响艺人演出

采用全开麦模式

俾大家自由自在咁发挥

各位专业歌手发挥稳定

无论係合唱抑或solo

震音OR假音

如CD播放嘅声线

令人听出耳油

而喺呢次全开麦真唱模式中

最快出圈嘅竟然係

奥运冠军全红婵

热搜话题更係第一个冲上高位

喺《大中国》嘅舞台上

“全妹”同其他歌手同台献唱

但只有佢一个人把声特别入麦

因为唔係科班出身

加上佢平时贪玩鬼马嘅性格

歌声显得特别突出

因为佢自信大胆

敢唱又敢演

观众觉得佢非常可爱

演出之后

“全妹”喺后台话佢有注意到

大家喺网络上讨论

跟手佢仲“后台开麦”

大声跟唱台上嘅《在云端》

真係一个直爽洒脱嘅妹妹

“全妹”舞台经验唔多

上台係天然本色演出

唱歌有自己嘅风格

性格直爽可爱

难怪深得观众喜爱啦

成龙大哥上台solo

唱《男儿当自强》嘅时候

一袭雪白功夫衫上台

原本真係劲有气势噶

点知啱唱咗几句

观众就发现龙哥嘅声音

同伴奏唔係同一条音轨上

连龙哥自己都听出咗问题

表情有少少尴尬

今次演出嘅舞台咁大

演唱者好难听清现场声

只能靠耳返嘅协助

好彩成龙大哥经验丰富

又识得应变

佢不断整理耳返

再调整自己嘅节奏

好快就跟翻上伴奏

奉上完整嘅舞台啦

一班奥运健儿代表上台

令演出非常震撼

令人惊喜嘅係

久违大众视线嘅王力宏

以台湾歌手身份现身

献唱咗3个演唱舞台

冇见咁耐佢依然状态爆fit

唱起歌嚟仍然自信满满

玩转音变声柔韧有余

因为佢啲歌都好经典

前奏响起

大家就不约而同跟住唱

唱《我们的歌》嘅时候

成龙大哥打拍子

黄晓明拿手机直拍

肖战、阿云嘎一路摇摆一路跟唱

十足十去听演唱会咁

喺唱《天地龙鳞》嘅时候

王力宏同李治廷世纪同台

虽然两人发型唔同

但同框嘅画面都几得意

仲记得之前Leehom

因为“家事”成为热话

好多网友就去咗

李治廷电影宣传嘅评论区

留言问佢点解无端端离婚

可见两人係几咁“撞面”

更有人调侃Leehom隐退

治廷以后就可以独享一张面添

今次两人同台演出

应该就係话俾大家知

真·王力宏正式回归

两个靓仔各有千秋

大家可以两个都冧

2024湾区升明月音乐晚会

从晚上8点一直嗨歌到翌日凌晨

有集体合唱、双人合唱

又有独唱舞台，

硬控我哋嘅耳仔足足五个钟！

咁多经典嘅舞台

唔知大家最中意边个舞台咧

资料来源：微博、小红书等网络信息综合整理

编辑：郭   玮

一审：曾敏妍

二审：董华海

三审：骆   苹