可乐君嘅江门之旅

有神秘嘉宾join我哋

佢就係喺《福禄寿训练学院》中

以“新会华Dee”一角出圈嘅

歌手陈柏曦啦

作为土生土长嘅江门人

佢就推荐我哋嚟到

最近好hit嘅

江会伍柒文创园打卡

呢个文创园

保留咗20世纪80-90年代

旧厂房原本嘅形态

铁质栏杆、水泥原色外墙

喺呢度最大嘅特色

园区唔大

部分嘅墙面粉刷后画上壁画

江门特色凉粉广告画面

港风歌词配得意喵喵等

每个都好有特色

配合呢个园区嘅工业风

最近佢哋仲搞咗个

“共生”艺术展

里面嘅展品就行“废土”风

有装修后嘅废砂石

同断钢筋、坏斗车堆放

上方再点缀几棵枯树枝

逆光摆拍嘅时候chok到晕

旧水壶、烂算盘、过期日历

生锈闹钟、崩口瓷碗等等

被遗弃嘅生活用品

都成为呢个展览嘅展品

同佢哋合影会有种穿越时空

与过去对话嘅感觉

展览中嘅各种旧物

都好似有个故事等紧观众咁

慢慢逛就会品到个中味道

//////////

逛攰咗要搵个地方医肚

古明华&汤俊明开嘅

世斯茶档就好值得试下啦

世斯特色奶茶

用奶茶冻成嘅冰块係最大特色

保证成杯饮品唔会越饮越淡

港风餐蛋出前一丁

午餐肉就厚切成心形

斋睇都已经冧晒

摩罗鸡髀饭够惹味

白汁海鲜就超鲜美

plus版漏奶华简直颠覆传统

变成立体嘅立式面包

就个外形就已经赢咗

佢哋唔单止

将港味餐饮带到江门

连店内设置都特别有港味

港风经典名人海报

仲有80年代生活用品

被精心设计成打卡位

随便摆拍都好有feel

陈柏曦自细就有个歌手梦

係餐厅嘅置景中见到有吉他

随手攞起就可以自弹自唱

前段时间

佢同好朋友筷子基、梁山山

一起举行咗音乐会

听讲好快

佢就会推出自己嘅

全新音乐作品添

快乐嘅时间过得特别快

虽然我哋同柏曦嘅

江门chill游愉快咁结束咗

但相信佢嘅音乐之路仲有好长

我哋一起期待下了啦

图片：黄译萱

编辑：郭玮

一审：曾敏妍

二审：董华海

三审：骆   苹