前几日有人在一个庙宇
见到Jinny吴若希眼肿肿咁
仲以为佢出咗咩事
要惨情咁祈福许愿
见到另一边就有一个
衣着奇怪嘅“显眼包”
喺度做啲奇奇怪怪嘅事
大家先恍然大悟
原来佢哋係拍紧电视剧
话说《奔跑吧!勇敢的女人们》
年前就已经开机
并已经完成部分剧情嘅镜头
年后开工就拍到
演CP嘅吴若希&萧正楠
产生感情问题
男方陷入正室&小三嘅抉择
感到迷惘所以去求神拜佛
因为剧中萧正楠嘅身份
係个公众人物嚟嘅
为咗唔被路人认出
特别乔装打扮一番
但因为夸张首饰、留胡须戴晒超
更加吸引人哋注意啰
而吴若希嘅角色
就因为“婚变”而伤心
所以妆容就会憔悴&眼肿啦
//////////
好彩係拍戏
人物设定都几离奇夸张
但同本人冇太大关系嘅
萧正楠出咗名係爱妻锡屋企嘅
首次喺剧中做出轨渣男
佢都预咗会俾人闹
而且佢就话做好晒心理建设
观众要闹都係闹个角色
闹得越犀利
证明佢演得越出色啰
而吴若希就话
同萧正楠“离婚”嘅部分
係喺之前就拍好
嗰部分嘅内容
其实先係最难拍嘅
需要投入好多情绪
真係喊都眼都肿晒
佢庆幸自己已经係人妻
剧中只要假设“老公出轨”
想象一下件事发生喺自己身上
即刻个代入感就好强哦
有人真系大吉利是问吴若希
如果呢件事真係发生在佢身上
佢会点样处理
Jinny就拿出自己乐天嘅性格话
从细妈咪就教佢
做女人要靠自己
所以佢觉得自己
一定可以坚强咁面对哦
//////////
吴若希旧年因为《香港人在北京》
演技受到大家赞赏
加上前排喺啱播完嘅《旁观者》里面
暗黑造型亦惊艳咗观众
去年喺内地多个地方举行巡演
最近又有新歌上线
加上投入呢部《奔跑吧!》
担正做女主
影视、唱歌都全面开花
大家以为係因为小朋友已经大个
佢准备全面回归娱乐圈啦
点知Jinny就话
因为囡囡就快7岁
接下来嘅时候
佢会留翻多啲时间嚟陪屋企人
喈係拍完《奔跑吧!》
佢又要回归家庭
唔知下部新作会係几时开啰
开完show又推咗新歌
Jinny手头嘅job
暂时就剩返呢部戏啦
大家对暂别演艺圈嘅Jinny
会唔会好唔舍得呢?
来源:可乐生活Color微信公众号
编辑:张子殷
审核:曾敏妍
签发:骆苹