今年嘅重头剧

《新闻女王》

除咗有佘诗曼回巢助阵

更有好耐冇拍剧嘅

陈敏之客串出演

敏之对上一次同阿佘合作

已经係《使徒行者》啦

今次佢要喺剧中饰演一位名媛

听闻又要keep身材又要着靓衫

观众都表示好期待喔

////

趁住拍剧势头

敏之仲自荐出演

周星驰嘅新剧《少林女足》

其实呢，

星爷嘅《美人鱼2》杀青后

一直都未有上映消息

今次星爷拍新戏、搵“星女郎”

依然引来唔少女艺人

拍片硬sell自己

蔡思贝大show球技之余

又出动性感水着look

郭柏妍则坐上回旋木马

自称“识得少少踢足球”

收到星爷大拇指点赞

而敏之都即刻嚟自荐

“索腿天后报到”

今次星爷有回复哦：

“一张厕纸一条底裤

都有佢嘅用处”

就引起大家唔同解读

有网友觉得星爷嘅回复

低情商冇礼貌

亦有网友就觉得星爷

暗示敏之可有可无

其实呢段话

係星爷电影中嘅

经典对白嚟噶

佢係用台词玩梗回应

并冇明确嘅表态

所以咧……一切皆有可能？

////

敏知最近演戏机会係少啲

不过佢都冇摊透噶

近段时间佢喺直播中成绩唔错

更荣升为“带货天后”

早前获邀担任《中国新主播》评委

同张大大、林更新、杨天真

组成“真新大值”团队

一起挑选新生主播

直播事业蒸蒸日上

老友陈山聪

就好识安慰人咁话：

“除咗识揾钱仲识咩啊！”

唔少粉丝都话挂住敏之

纷纷在线催佢去拍戏

虽然敏之最近在

新剧《新闻女王》中戏份唔多

不过都可以期待一下佢嘅表现嘅！

资料来源：微博、剧照、豆瓣等

网络综合整理

编辑：饶禧

审核：曾敏妍

签发：骆苹