Jinny吴若希啱啱喺上个月
结束咗自己嘅“初·遇”巡回音乐会
收官站邀请咗好朋友鸿钧仔上去
一起演绎佢哋嘅代表作《救救我》
Jinny近两年除咗忙音乐会
都接拍咗好多电视剧
有啲已经完成制作
蓄势待播噶啦
年轻貌美又嫁入豪门
事业风生水起
儿女双全又家庭美满
好多人都十分羡慕佢噶啦
而佢最近参加一个清谈节目
就自曝好多
“不为人知”嘅事情哦
▓▓▓▓▓▓▓▓▓▓▓░░░░努力加载中……
因为忙于拍戏&巡演
时隔1年Jinny先出新歌
《三人之境》
顾名思义
呢首作品係讲三个人嘅故事
其中一个就只会係“第三者”啦
原来呢首歌係用嚟
劝“第三者”抽身嘅
佢希望呢啲“第三者”可以清醒
唔係属于自己嘅嘢
就要及时放手哦
讲翻自己嘅现实生活
佢话自己嘅生活中
确实有个“第三者”
晚晚都会约佢老公……
正当大家被吓一跳嘅时候
Jinny就解释翻
係一个叫Bill嘅“机友”
日日都叫佢老公打机
Jinny甚至以“正印”身份
警告阿“机友”Bill
"留意翻我哋屋企嘅和谐!”
除咗借新歌“警告”第三者之外
吴若希仲自爆惊人消息:
话有人公然勾搭自己
Jinny话自己明明已经名花有主
但依然有男士
明聊暗撩咁对佢示好
好彩自己定力够好
为咗一对仔女
绝对唔会做错事
佢更大赞丈夫
係个好识浪漫嘅人
成日会撇开小朋友
同佢散步拍拖、倾闲计
Jinny话依家好多人认得佢先生
所以好多人会帮手监督佢
“七年之痒”唔係问题哦
最近,Jinny嘅细仔
准备翻学就影咗套证件相
里面嘅表情鬼鬼马马咁
都几得意噶
Jinny就觉得佢老老积积咁
话顶佢唔顺哦
但同时都希望佢
翻学识多啲新朋友
满满母爱满泻字里行间
老公锡、仔囡得意
吴若希嘅家庭真係好幸福
//////////
接下来
《死有对证》准备开拍
佢将会饰演中意搞事嘅记者
仲会同阮浩棕搭档组CP
佢大赞搭档靓仔
但都透露两人嘅感情线点到即止
“监制惊我精神出轨!”
MORE今日娱乐看点
《奔跑吧》后期有破绽
停更两周嘅《奔跑吧》终于出街
神奇嘅“原地消失术”
冲上热搜高位
攞放大镜睇电视嘅观众
发现有啲细节位仲有破绽
但节目嘅整体效果已经好掂啦
费曼新晋香港顶流?
吴镇宇嘅仔仔费曼
经常喺社交平台怼爹地
寻晚佢又P图调侃爸爸
更喜提多条热搜
大家觉得佢已经上位
新晋嘅香港顶流
刘若英请王宝强做嘉宾“奶茶”刘若英寻晚喺广州开唱
邀请王宝强担任演出嘉宾
两人合唱《亲爱的小孩》
两人在19年前合作《天下无贼》
友情延续至今
资料来源:微博等
网络综合整理
编辑:郭玮
审核:曾敏妍
签发:骆苹