《婚后事》《再见，枕边人》

两部电视剧

都喺今个星期开播

讲嘅都係几对情人、夫妻之间

剪不清理还乱嘅情感瓜葛

《婚后事》就着重讲“出轨”

《再见》就有悬疑阴谋

唔同feel嘅两部片

满足晒要求多多嘅观众啦

唔知係米监制专登安排

呢两部剧同时有罗天宇出演

中意连续追剧嘅朋友仔

就会连续2粒种见到佢啦

话说罗天宇喺两部剧中

饰演嘅角色人设都唔同嘅

而相似嘅地方

就係两个角色都同本人相差好大

喺《婚后事》入面

佢就喺一个麻麻甩甩嘅编剧

据闻有佢出场嘅地方就会有笑料

在剧里面饰演王敏奕角色嘅

其中一个情人

佢尺度最大嘅镜头

就係全裸喺沙滩上奔跑

仲有厕纸喺身上飘添

斋谂到呢个场景

大家都已经觉得好笑

但天宇就话因为呢个镜头

尺度大到要打格仔

自己拍完都有阴影了

而喺《再见，枕边人》中

罗天宇又会化身流氓律师

要成日都粗粗鲁鲁咁讲嘢

导演更特别安排“粗口特训”俾佢

等佢更好代入角色哦

对于原本斯文靓仔嘅天宇嚟讲

无论係变麻甩抑或讲粗口

都係一个全新嘅突破

真係每个角色都有难度

话说佢早前喺《旁观者》中

扮演有强迫症又有洁癖嘅变态控制狂

逼到连诗雅扮演嘅角色几乎精神失常

已经喺一次有挑战性嘅演技考验啦

唔知今次佢会唔会再次惊艳到大家咧

其实罗天宇同“家嫂”王敏奕

唔系第一次合作噶啦

两人曾经做过“兄妹”

又演过同事

二人搭档都好驾轻就熟啰

今次佢哋终于升呢做CP

可能仲会有锡锡嘅戏份哦

//////////

现实生活中

同天宇搭档过嘅女星

王敏奕、连诗雅、何依婷等

都已经名花有主啦

唯独是佢自己仲係单身寡佬

在单亲家庭长大嘅天宇

原来都好渴望自己可以

快啲结婚、生小朋友噶

以前曾经同其他人传过绯闻

佢依家经常係避嫌

尽量都唔同人合照哦

睇嚟现实中的天宇

係一个乖乖仔嚟嘅

唔知边一款“罗天宇”

最得你欢心咧

来源：可乐生活Color微信公众号

编辑：张子殷

审核：曾敏妍

签发：骆苹