《逆天奇案2》下个星期一就开播

森sir同阿wing嘅爱情故事

听讲就会继续sweet落去

Nic sir同钟大状都开启

充满柴米油盐嘅婚后日常

听讲呢一季嘅“奇案”

更惊人、更诡异、更刺激

我哋个friend刘佩玥

仲会以全新嘅角色

重磅归来添

《奇案2》啱官宣定档愚人节

一个好似“开玩笑”咁嘅消息就话

该剧嘅监制刘家豪宣布

今年7月佢将光荣退休

故而言之呢

呢部《逆天奇案2》

将会係佢嘅收官之作

佢亦静鸡鸡喺呢部剧中

埋下了小彩蛋

纪念自己嘅职业生涯

刘监制曾经制作过众多

脍炙人口嘅经典爆片

亦亲手捧红咗唔少艺人

好似当年佢拣中

周星驰&吴孟达出演

《盖世豪侠》《他来自江湖》等剧

令到星爷同达叔呢对组合

成为观众搞笑片单中嘅黄金搭档

仲有佢近年嚟最经典嘅代表作

就係收视最高达50点嘅

《溏心风暴之家好月圆》

时至今日

呢部电视剧中嘅经典剧照

每逢中秋节都会俾大家引用

当年喺各个大型颁奖礼上

获得多项电视剧大奖嘅

《护花危情》

都係观众睇到意犹未尽嘅

经典好剧

在电视剧中屡创高收视嘅

徐子珊、黄宗泽、钟嘉欣、

陈法拉、林峯、马国明等

都係佢御用嘅艺人

旧年出街嘅《法言人》

係刘家豪监制兼执导嘅作品

收视&口碑大获全胜

从咁多刘监制嘅作品中

我哋可以get到嘅“定律”係

只要有佢参与制作

加上佢惯用嘅演员阵容

呢部作品要出圈

就基本实食冇黐牙了

最近

佘诗曼、杨茜尧、陈法拉等人

都纷纷复出、参演电视剧了

香港嘅电视剧好似

又有翻啲睇头了啵

刘监制嘅爆款剧集班底

现在仲差个徐子珊就齐人啦

但佢却喺呢个时候宣布荣休

实属有啲啲可惜

佢要退休消息一出

即刻引发大家热议

刘家豪叱咤影视制作50年

佢嘅太太梅小青

亦係呢个领域嘅精英

两人被称为电视圈嘅“神雕侠侣”

梅小青係2020年

参与制作《法证先锋IV》后

正式宣布退休

今次连刘家豪都退休了

电视剧圈等于少咗两面“金牌”

而今次《逆天奇案2》

就继续用咗林夏薇、冯盈盈

呢两位演技同口碑

都被人指指点点嘅小花

大家觉得以后

仲有边个可以影视制作人

可以再续佢哋嘅光辉咧~

来源：可乐生活Color微信公众号

编辑：张子殷

审核：曾敏妍

签发：骆苹