原班人马炮制嘅

《逆天奇案2》

已经开拍个几月啦

前排监制透露过

上一季嘅反派夫妇“康玥cp”

喺第二季将会

以特别嘅形式再续前缘

戏内“康玥cp”好受欢迎

戏外嘅张颖康出咗名

“24孝爸爸”

就算拍剧做嘢再忙

佢都会抽空陪伴

太太同三个宝贝仔女

近日张颖康就趁放假

现身仔仔学校嘅运动会

一身白T加黑色短裤

唔知嘅仲以为佢要落场打比赛

当日气温有成36℃

热到张颖康都忍唔住

同老婆爆粗吐槽

“呢个活动係玩家长㗎~”

仔仔比完赛

张颖康即时影翻张三人合照

不过佢睇落有啲憔悴啵~

张颖康同老婆麦雅致

自2012年拉埋天窗后

两公婆感情一直好好

一口气连生三个B

不时都会po同老婆甜蜜合照

张颖康近日深夜突然晒咗张相

係仔仔、女女抱抱住BB公仔

敏感嘅网友即刻就估佢哋

係唔係暗示要继续“造人”？

原来张相係老婆po比佢噶

张颖康本人都话被老婆吓亲

以为对方要催生第四胎

问过先知只係老婆想share下

佢凑B嘅日常~

之后张颖康都发文解释话

三个小朋友仲细

唔想老婆再生一个咁辛苦喔

而且多一个B

奶粉钱嘅压力又大咗

所以张颖康回应话

“暂时未有追生四胎嘅计划

不过都唔排除嘅”

所以…一切皆有可能？

张颖康最近除咗要拍剧

仲密密参加各种综艺节目

就算真系有“造人计划”

睇嚟都要往后摆一摆啦

我哋都系先期待一下

张颖康喺《逆2》嘅

精彩表现啦！

资料来源：微博、官微等

网络信息综合整理

编辑：饶禧

审核：曾敏妍

签发：骆苹