年初点名嘅
“力捧小生”们
剧集一部接一部上
张振朗喺《灵气逼人》中
同龚嘉欣饰演人鬼恋
周嘉洛的甜宠剧
《宠爱pet pet》
亦正在热播
而丁子朗拍完《夺命提示》
开始去内地市场试水
同黄宗泽Bosco、王珞丹
拍摄《暗恋者的救赎》
前几日，丁子朗突然官宣
要加入《亚洲超星团》做练习生
吓到大家O晒嘴咯
名单内仲有
洪欣个仔仔张镐濂、冼靖峰等人
之后丁子朗上传咗一段手势舞
灿烂的笑容&浮夸的动作
令睇过段片嘅人都沉默晒…
/////
其实近年来
TVB都有力捧丁子朗嘅
大家睇到佢开始担大旗啦
佢演嘅剧集从年初排到年尾
更凭借《青春不要脸》
杀入“最佳男主角”最后十强
可惜佢演技太过用力
角色又唔多得人中意
观众缘就一直麻麻地
有网友仲封佢做“新一代油王”
感情方面
被爆同郭柏妍因剧生情
同样都係备受关注嘅
后来两位当事人都双双否认
不过有网友就发现
佢哋低调出动
一起去睇王嘉尔嘅演唱会啵
//////
今次
丁子朗撇甩“绯闻女友”
突然宣布去做练习生
大家都估佢唔到
喺众多参赛者中
26岁嘅丁子朗都算係
“高龄”参赛选手啦
比其他选手大成10年
唱歌、跳舞亦冇太大优势
唔少网友担心
佢会好快被淘汰喔
面对质疑、调侃、吐槽
丁子朗就心态好好啦
话自己以学习嘅心态参赛
就係想睇多啲呢个世界
Anyway~
丁子朗从拍剧转战唱跳
都係一个新的挑战
希望佢要加把劲
喺舞台上好好表演啦！
来源：可乐生活Color微信公众号
编辑：张子殷
审核：曾敏妍
签发：骆苹
